 |
| طريقة عمل طاجن لحمة راس |
طريقة عمل طاجن لحمة راس
أكلات مصرية. قسم أكلات مصرية أو المطبخ المصرى هو قسم متخصص لمحبى الأكلات المصرية الأصيلة والمميزة من الأكلات المصرية الرائعة و المميزة.
يشتهر المطبخ المصري بمذاقه المصري الخاص مع وجود بعض التأثيرات الغنية التي تثريه، خاصة التأثيرات التركية والشامية (سوريا)، ودول البحر المتوسط (إيطاليا) .
العديد من الأطعمة المصرية ما زال موجوداً منذ آلاف السنين عند المصريين مثل الخبز الذي يطلق عليه المصريون (العيش البلدي) والفول (المدمس) وكعك العيد عند المصريين في عيد .
المقادير- 10 x عدد عيدان كرفس
- 5 x معلقة كبيرة ماء
- 4 x عدد بصلة
- 2 x عدد ورق لورا
- 2 x عدد طماطم
- 2 x معلقة كبيرة فص ثوم (مفروم)
- 2 x عدد رأس كرات (مفرومة)
- 2 x معلقة كبيرة صلصة طماطم
- 2 x معلقة صغيرة فلفل اسود مطحون (أو حسب الرغبة)
- 2 x عدد بطاطس (مقطع شرائح أو مكعبات)
- 2 x معلقة كبيرة زيت عباد شمس
- 1 x كوب بسلة
- 1 x عدد حباية جزر (مقطعة)
- 1 x معلقة صغيرة بهارات لحمة
- 1 x كيلو لحمة (راس)
- 1 x عدد قرن فلفل حامى
- 1 x كوب عصير طماطم
- 1 x معلقة صغيرة كمون
- 1 x معلقة صغيرة حبهان
- 1 x رشة جوزة الطيب
الطريقة
- أهم حاجة فى لحمة الراس انها تتنضف كويس جدا بالماء والملح والليمون قبل السلق.
- فى حلة هنسلق لحمة الراس من ساعة لساعة ونصف مع جزرة مقطعة وبصلة وكرفس وراس كرات مفرومة وورق لورا وحبهان
- والملح والفلفل.
- فى حلة على النار هنضيف زيت ومعلقتين كبار ثوم مفروم وبصلتين مفرومين ونقلبهم كويس جدا.
- هنضيف معلقة كبيرة كرفس ومعلقة كبيرة راس كرات مفرومة ونقلب كويس.
- هنضيف كوب البسلة ونقلب كويس, وبعدين هضيف طماطماية مقطعة مكعبات ونستمر فى التقليب وبعدين هنضيف كوب عصير الطماطم ونقلب كويس.
- هنضيف الكمون ورشة جوزة الطيب و بهارات الحمة و معلقة صغيرة فلفل و صلصة الطماطم ونقلب كويس.
- بعد ما اللحمة تتسلق هنشيلها من الحلة ونحطها فى حلة الصوص ونقلبها كويس بدون رفع حلة الصوص من على النار.
- هنجيب الطاجن وهنضيف فيه 2 بطاطس شرائح, وطماطماية شرائح و فلفل اخضر شرائح وبصلة شرائح وربع كوب عصير طماطم. وقرن فلفل حار.
- هنرفع لحمة الراس من الصوص ونحطها فى الطاجن وفى الأخر هنضيف الصوص كله فى الطاجن ومعاه حوالى 5 معالق كبار ماء ونغطى الطاجن بفويل ويدخل الفرن حوالى ساعة على درجة حرارة 180.