 |
| الدكتور مجدى يعقوب |
قصــة صورة الدكتور مجدى يعقوب داخل سيارة تاكسى يرويها صاحبها السائق وهذا ماحدث له بالحرف على يد الجراح العالمى
بالنسبه لاعلان قلبي و مفتاحه ،.
كنت راكب مع سواق تاكسي من كام يوم، فلقيته معلق الصوره دي، فبقوله هو حضرتك بتحب مجدي يعقوب للدرجه دي! ، قاللي الراجل ده ربنا يكرمه ساعدني و محوجنيش لحاجه الله لا يحوجه ،
فسالته ايه اللي حصل وكده!
قاللي ان ابنه اسمه كريم اتولد بمرض نادر في القلب، سافر بيه مستشفيات كتيير في القاهره عشان يعالجه،كل الدكاتره اجمعوا انه يروح و اخره كام شهر كده و الاعمار بيد الله او يسفره بره،لان ملهوش علاج،
مكانش معاه فلوس كفايه و خايف علي ابنه واصر انه عمره ما هيتخلي عنه،
راح مستشفي القلب بتاعت مجدي يعقوب و قعد يطالب انه يقابل الدكتور مجدي، تفهموا موقفه وقابله فعلا و قاله ان كل العمليات اللي محتاجها ابنه ومن غير ولا مليم ، وحالته هو اللي هيعالجها بنفسه،،
باختصار مجدي يعقوب ده من اعظم الشخصيات اللي ممكن نفتخر بيها بجد،. كفايه قلبه الابيض و حبه لكل الناس فقير زي غني،
يارب نكون كلنا مجدي يعقوب
المصدر الفيسبوك