 |
| وصفتنا النهاردة المخروطة او القادوسية |
المخروطة او القادوسية
من غير ماكينة يدوي
مقدمة من الشيف : هناء فهمي
مدة التحضير : 30 دقائق
مدة الطهي : 20 دقيقة
نص كيلو دقيق
1 كوب ونص ماء دافئ
1 ملعقة صغيرة ملح
دقيق تاني لفرد العجينة حوالي نصف كيلو
1 ــ ننخل الدقيق وينخل معة الملح ويوضع في بولة ويتم العجن بوضع الماء الدافئ شوية بشوية حتي تتكون عجينة ممكن يفيض ماء او نزود شوية علي حسب الدقيق
2 ــ تترك العجين ترتاح نص ساعة
3 ــ ثم تقسم الي كور في حجم اليوسفي ويراعي وضع الكور علي دقيق كتير
4 ــ نأخذ كل كورة وتفرد بوضع الدقيق تحت العجينة وفوق العجينة مهم جدااااا والدقيق يبقي كتير
5 ــ نكرر هذة العملية لغاية ما نخلص الكور كلها ويوضع فوق بعض بوضع الدقيق مابين كل واحدة دقيق كتير
6 ــ ثم نأخذ 4 كور فوق بعض ويكون بينهم دقيق كتير ويفرد بالنشابة
7 ــ بعد الفرد يبرم رول ويقطع بالسكينة رفيع جدااا
ونكرر العملية لغاية مانخلص الكمية
نكون محضرين حلة بها ماء بيغلي علي النار وفوقها مصفي وفوق المصفي شاشة او اي قماشة نضيفة ثم يوضع عليها المخروطة بعد نخلها من الدقيق بالمصفي او باليد
8 ــ وتغطي بالشاشة او القماشة ثم تغطي بغطي محكوم ونهدي النار وتترك لمدة ربع ساعة حتي يتم النضج
9 ــ بعض التسوية نأخذ الشاشة وتوضع المخروطة في حلة ثم يوضع عليها السمن البلدي وتقلب جيداااااا
10 ــ ملحوظة مهمة
ــ المخروطة وهي بتتفرد لازم دقيق كتير الدقيق مهم جداااااا
ــ وهي فوق بعض بعد الفرد لازم دقيق كتير بكرر تاني
ــ المخروطة ممن تتاكل بالسكر او بالجبنة او باللبن
ــ المخروطة ممكن نعملها لاولادنا بدل الاندومي بوضع شوربها عليها كاري وكركم وبهارات لحم او فراخ وملح
هتبقي احلي اندومي
ــ ممكن تتعمل بالماكينة بس مش كل الناس عندها ماكينة لو عندك مش هتعملي رول هتفري كورة وترشي دقيق فوق وتحت وتقطعيلي الكورة بعد الفرد علي 4 قطع وندخلي جوة الماكينة
تحياتي الشيف هناء فهمي