عن انكار الذات
يروي احد الاباء قصة حصلت بين ابونا قلتاؤوس وابونا فانوس بخصوص سيدة كانت
مريضة بالسرطان راحت لابونا فلتاؤوس وهي كانت جايه من امريكا وعايشه عمرها
هناك
فابونا قلتاؤوس سالها قوليلي بقي يا اختي انتي عملتك باليورو والا بالدولار فقالت له بالدولار
قالها طب ايدك علي 100 دولار وحطيهم هنا ع الترابيزة وانا هصليلك خمس صلوات علي قد فلوسك بقي
فالست المريضة استغربت وقالها يلا امشي
المهم الست كانت مضايقة جدا ومستغربه ازاي ابونا فلتاؤوس ياخد منها فلوس
عشان يصلي لها خمس صلوات فراحت لابونا فانوس في الدير اول ما شافها راح
قالها يا سلام بقي تروحي لابونا فلتاؤوس وتدفعيله 100 دولار وجايه عايزاني
انا اصليلك عشان تخفي وراح باصص للسما
وقالها يلا امشي روحي للي عطتيه الفلوس المهم زعلت جدا وقالت ايه ده اللي انا فيه
ابونا فلتاؤوس ياخد فلوس عشان يصليلي وابونا فانوس يمشيني !
راح الخادم قالها طالما ابونا بص للسما وقالك امشي هتروحي تعملي التحليل مش هتلاقي الكنسر
وفعلا راحت حللت ملقيتش اثر للمرض فرحت وقررت تروح تشكر ابونا فلتاؤوس
اول ما شافها قالها نعم يا اختي انا معملتش حاجة ده هو اللي اول ما بص
للسما انتي خفيتي بصلواته “يقصد ابونا فلتاؤوس” وطبعا راحت تشكر ابونا
فانوس فاول ما لقاها راح قعد يزعق
ويقول ابعدوا الست المجنونة دي بعيد عني مش عايز اشوفها
كل ده عشان ميسمعش كلمة “شكر ” او مديح منها وابونا فلتاؤوس نفس الشيء
ما اجمل ان نكسر ذواتنا امام الله “لان القلب المنكسر والمتواضع لا يرزله الله
