 |
| الكـــــــــذب |
يا أحبائي : كثير منا بيقع فى خطايا الكذب ، وأنا أولكم طبعا ، لذلك كثير عشان نخرج من مواقف بنمر بيها نكذب ونقول دا كذب ابيض مش بيضر حد ، لذلك يا اخواتى مفيش حاجه اسمها كذب ابيض أو كذب اسـود ، لأن الكــذب هــو الكذب وخطيه الكذب خطيرة جدا جدا
+ تعالوا نعرف خطورة الكذب ، الكذب بيولد كذب ، الكذب بيخليك منفصل عن الله ويطلق عليك ابن الشيطان لان الشيطان كذاب .
+ تعالوا دايما نحط قدامنا الايه اللي بتقول لا كذبون يدخلون ملكوت السموات ليه نضيع أبديتنا عشان كذبه .
+ أنا عندي لو حد سألك سؤال تقوله أسف مش هجاوب أحسن منكذب ونشيل ذنب ونزعل ربنا مننا . ليه نخسر أبديتنا عشان كذبه وبعدين الكذب بيخليك قدام الناس مفيش ثقه فيك أنت كده بتخسر علاقتك وتعملك مع الناس والمجتمع .حتى لو قولت الحقيقة مش هيصدوقك ما هو خلاص الثقة انكسرت بينكم .
+ والأصعب من كده إن الكذب بيعطل حياه التوبة لأننا بنكون خلاص حياتنا أتملت كذب واهم حاجه منظرنا قدام الناس ..
+ من أسباب الكذب اخواتى الخوف ، أبقا خايف أقول الحقيقة خايف على منظرى على هبتى على كبريائي وكرامتي .
+ من أسباب الكذب الطمع عشان اجيب فلوس اكذب ، التجارة والسوق بيخلى الواحد يكذب كثير .بس صدقوني الرجل الأمين كثير البركات .
+ من أسباب الكذب كمان الوصولية عشان أوصل لمركز ما أو عشان اكسب مدح الناس اكذب مليون كدبه عشان يحبوني من أسباب الكذب كمان أنى أكون بغطى على عمله أو خطيه إنا عملتها.
+ اخواتى واصدقائى لازم نفوق لأنفسنا ونتوب ونبنى حياتنا بدون كدب .
تعالوا نعرف علاج الكذب
+ أول حاجه نعتبر إن خطيه الكذب خطيه بشعة جدا بتخلينا ننفصل عن ربنا ونكون أولاد للشيطان
+ ثاني حاجه التدقيق فى الكلام أحاول اخلي بالى من كل كلمه خرجه من أفواهنا .اطلع إيه واجدها مثال حقيقي لحياتي زى مثلا... إيه تهلك كل الناطقين بالكذب .أزى عشان اكذب اهلك حياتي وابعد عن ربنا ووصل نفسي لجهنم .
+ كمان أنقى نفسي من الداخل مش مهم الناس بتقول عليا آه من بره المهم إنا آه من جواه .
+ أخر حاجه واهم حاجه الاعتراف الصادق والأمين ، من يكتم خطاياه لاينجح ومن يعترف بيها ويتركها يرحم ، مش عيب أنى كذبنا كثير العيب أنى اتماده فى خطيه الكذب تعالوا كلنا نتوب ونعترف وننسى الكذب ونتعامل بكل صدق وأمانه.
+ يحذرنا السيد المسيح من الأنبياء والمعلمين الكذبة { احترزوا من الأنبياء الكذبة الذين يأتونكم بثياب الحملان ولكنهم من داخل ذئاب خاطفة }(مت 7 : 15).
+ ولاسيما في الأيام الأخيرة التي يقوم فيها أنبياء كذبة {ويقوم أنبياء كذبة كثيرون ويضلون كثيرين }(مت 24 : 11).
+ { ولكن الروح يقول صريحا انه في الأزمنة الأخيرة يرتد قوم عن الإيمان تابعين أرواحا مضلة وتعاليم شياطين.في رياء أقوال كاذبة موسومة ضمائرهم} 1تيمو1:4-2.
+ فالكذب هو سلوك مرفوض {لا يكذب بعضكم بعضاً، قد خلعتم الإنسان القديم، ولبستم الإنسان الجديد} كو 3: 9- 10)، {وليصدق كل منكم قريبه، فإننا أعضاء بعضنا لبعض} (أفسس 4: 25).
+ فالكذب يكون بمثابة عودة إلى الطبيعة المشوهة بالخطيئة، ويوقعنا في تناقض مع الإيمان بالمسيح . ولقد عاقب الله فى سفر الأعمال، حنانيا وسفيره بكذبهما على بطرس، لقد كذبا في الواقع على الروح القدس (أعمال 5: 1- 11).
+ فالكذب هو خطية موجهه إلى الله قبل ان تكون موجهه إلى الناس وان كان الشيطان هو ابو كل كذّاب فإننا أخذنا روح الشهادة للحق والصدق بإيماننا بالمسيح {و من ملئه نحن جميعا أخذنا ونعمة فوق نعمة.لان الناموس بموسى أعطي إما النعمة والحق فبيسوع المسيح صارا } يو 16:1-17.
نطلب من ربنا يسامحنا كلنا ويبعد عنا كل خطيه ......... ااامين ياااارب
تابعـــــــــوني
واذكرونــــي في صلواتكــم وصلـــوا مــن أجـــــل ضعفــــي
الكاتب Ayad Hizene