الفطيرة التركي اللي مكسرة الدينا

الفطيرة التركي اللي مكسرة الدينا علي النت انا عملتها بس بأسم

الفطيرة المصري

مقدمة من الشيف : هناء فهمي
مدة التحضير       : نصف ساعة
مدة الطهي          :  25 دقيقة

نصف كيلو دقيق
1 ملعقة كبيرة خميرة فورية
2 ملعقة كبيرة زيت
1 ملعقة كبيرة سكر
نصف ملعقة صغيرة ملح
1 كوب ونصف ماء دافئ

لحمة موزة ضاني من الكتف اللي انتي عايزة انا حطيت عدد 4 موزة
2 بصلة كبيرة قطع
2 قرن فلفل الوان قطع
2 واحدة طماطم قطع
1 ملعقة كبير ثوم مفروم
ممكن قرن فلفل حار سليم اختياري
التوابل { فلفل اسود جوز الطيب ببريكا ورق لوري وملح توابل لحمة}
سمسم وحبة البركة للتجميل الفطيرة

1 ــ ينخل الدقيق ثم يوضع الملح والخميرة الفورية ويقلب جيدا ثم يوضع الزيت ويقلب
2 ــ ثم يوضع الماء الدافئ وعلية السكر ويقلب ثم يوضع شوية بشوية علي الدقيق ممكن العجين تحتاج من كوب وربع الي كوب ونصف
3 ــ نعجن كويس جدااااااا
ثم تقطع العجينة علي تلت وتلتين يعني واحدة اصغر من التانية ثم توضع كل واحدة في طبق وتغطي لمدة نصف ساعة حتي تختمر وتضاعف حجمها
4 ــ في اثناء العجينة وهي بتخمر بنحضر اللحمة
تغسل اللحمة الموزة كويس وتتبل بالفلفل الاسود والملح
5 ــ ثم توضع في طاسة تيفال ملعقة سمنة بلدي كبيرة وتسخن جيدا ثم يوضع اللحمة وتأخد صدمة وتقلب كذا مرة لغاية مااللون يحمر
6 ــ ثم يوضع البصل والثوم المفروم والطماطم ويقلب جيدا حتي يتشرب اللحمة بالماء بتاعتها وان احتاجت يوضع ماءشوية بشوية حتي يتم النضج ثم يوضع فلفل الالوان ويقلب جيدااااا
7 ــ هنبتدي نفرد العجينة الكبيرة بالنشابة ونفردها اكبر من الصينية وتدهن الصينية البيتزا بالسمن وترش بالدقيق ثم يوضح العجينة ويوضع اللحمة والصوص بتاعها
8 ــ يفرد العجينة الصغير وتبقي علي اد الصينية ماتكونش زيادة ثم توضع علي العجينة الاخر ونقفل الكبيرة علي الصغيرة زي الصورة كدة ثم تدهن بالسمن البلدي وترش بالسمسم وحبة البركة
9 ــ ثم تسخن الفرن علي درجة حرارة 200 وتوضع الفطيرة حتي يتم النضج

ملحوظة 
الفطيرة دية ممكن تتعمل بالكفتة او الفراخ
او بالسي فود يعني جمبري وسبيط وكلماري

تحياتي الشيف هناء فهمي