 |
| صورة من الطريقة |
طريقة عمل برسيل جل فى البيت زى الجاهز ....
طبعا انتم عارفين سعره غالي مع ارتفاع الأسعار. .تعالوووو نحارب ارتفاع الأسعار ونعمل برسيل جل
المكونات
لون ازرق من العطار
كوب خل ابيض
كوب كلوركس الوان
كوب ملح ابيض ناعم
معلقتين كبار رائحة المسك او الورد من العطار برضه
ربع كيلو تكسابون (دى ماده بتتباع عند محلات الصابون والعطارين الكبار شكلها زى الفازلين كده وهى دى اساس اى منظف سائل سعرها حوالى الكيلو ٥٠ ج
مايه (ماء)مفلتره يعنى تغليها وتسبيها تبرد (ملهاش مقدار محدد حسب كثافة الجل اللى تحبيها بس تقريبا من اتنين ونص لتلاته لتر
عايزه تضيفى غطاء ديتول هيكون افضل بس عادى يمكن الاستغناء عنه
ملحوظه بيستخدم الغسالات الاتوماتيك لان الخل بيهدى الرغوه
لو هتستخدميه للغسيل اليدوى والغسالات العاديه استبدلى الخل بكوب ماء مغلى فيه ليمون ومصفى علشان الرغوه تبقى وفيره....
بحبكم كلكم والله
المصدر مصر الان
استير عادل