 |
| صورة من الكيك |
كيك النيوتيلا
مقدمة من الشيف : هناء فهمي
مدة التحضير : 10 دقائق
مدة الطهي : 30 دقيقة
3 كوب دقيق
6 بيض احمر
2 كوب سكر
1 كوب سمن بلدي
نصف كوب لبن
ذرة ملح
1 ملعقة كبيرة خل
2 كيس فانيليا
1 كيس بيكنج بودر
2 ملعقة كبيرة كاكاو
كريمة النيوتيلا للتزين
1 ــ يوضع السكر والبيض والفانليا مع بعض ويضرب جيدا لغاية ماتبقي كريمة
2 ــ ثم يوضع السمن ويضرب جيدا ثم يوضع ملعقة الخل ويضرب الخليط
3 ــ ينخل الدقيق ثم يوضع علية البيكنج بودر ويقلب ثم يوضع الدقيق علي الخليط السابق شوية بشوية في اتجاة واحد ثم يضاف اللبن ويقلب
4 ــ نكون محضرين صينية 26 وتدهن بالسمن وترش بالدقيق او 2 قالب كيك كبير
5 ــ ثم يوضع نصف المقدار في الصينية والنصف الاخر يوضع علية الكاكاو ويقلب
6 ــ ثم يوضع باقي العجينة في الصينية او القالب
7 ــ نكون مسخنين الفرن علي درجة حرارة 180 وندخل الكيك في الفرن حتي يتم النضج
8 ــ بعد تسوية الكيك تترك تبرد تماما وتجمل بالكريمة النيوتيلا
ملحوظة مهمة
لازم نضرب البيض والسكر في اتجاة واحد
لازم ننخول الدقيق جيدا
لازم نكون مسخنين الفرن قبل دخول الكيك ب 10 دقائق
ممنوع فتح الفرن علي الكيك قبل 20 دقيقة من دخول الكيك
لازم البيض يكون بحرارة المطبخ
ملحوظة اخري { ممكن نعمل نفس الكيك من غير كريمة النيوتيلا }
تحياتي الشيف هناء فهمي