 | |
| عيش سن |
مقدم من الشيف : هناء فهمي
مدة التحضير:15 دقيقة
مدة الطهي: ساعتان
المقادير
1 كيلو دقيق اسمر نصف كيلو دقيق ابيض ربع كيلو ردة 3 معلقة كبيرة خميرة فورية 2 معلقة كبيرة سكر 1 معلقة كبيرة ملح حوالي 5 كوب مج ماية دافية ممكن العجينة تحتاج 4 اكواب بس 2 كوب ردة للفرد الرغيف
1 ــ نوضع الدقيق الاسمر وعلية الدقيق الابيض وعلية الردة والخميرة الفورية والملح والسكر ونقلب كويس مع بعض
2 ــ نوضع الماية الدافية شوية بشوية ونعجن كويس لغاية ما العجينة تتلم وتكون بتلزق بسيط جدا في الايد
3 ــ تغطي العجينة لمدة ساعة ونصف حتي تتضاعف حجمها
4 ــ تقطع كورة علي حسب الرغبة كبيرة او صغيرة وبالنشابة نفرد ويكون تحت الرغيف ردة وفوقة ردة ويكون ارتفاع الرغيف نصف سم ويرتاح الرغيف ربع ساعة
5 ــ نكون مسخنين الفرن علي درجة حرارة 200 قبل دخول العيش لمدة ربع ساعة وندخل العيش في الفرن حتي يتم النضج
ملحوظة { نفرد العيش كلة وندخل الارغفة اللي فردنها الاول ندخلها الفرن }